Saturday, March 17, 2018

நான் எழுதும் ரகசியம் புத்தகத்தின் முன்னுரை

நாம் ஒருவருக்கு ரகசியம் சொல்லவேண்டும் என்றால் அந்த நபரை அழைத்து அவர் காதின் அருகே சென்று அவர் காதுக்கும் நம் வாய்க்கும் உள்ள இடைவெளியை மறைத்து "அந்த blue சுடி போட்ட பொண்ணு ஒரு நாள்...." என்று உங்கள் ரகசியத்தை சொல்லலாம். அதே நபர் பக்கத்து ஊரிலோ அல்லது பக்கத்து நாட்டிலோ இருந்தால்? போனில் சொல்லலாம். ஈமெயில் அனுப்பலாம். ஆனால் ராஜா ராணி காலத்தில் என்ன செய்திருப்பார்கள்? கடிதம் அனுப்பியிருக்கலாம். ஆனால் அந்த கடிதத்தை கொண்டு செல்பவர் அதை படிக்கக்கூடும் என்பது இதில் உள்ள சிக்கல். ஒற்றர்களிடம் இருந்து ராஜக்களுக்கோ அல்லது ராஜாகளிடம் இருந்து ஒற்றர்களுக்கோ இடையில் பரிமாறிக்கொள்ளும் ரகசியங்கள் மற்றவர்களுக்கு தெரிந்தால் தேசப்பாதுகாப்புக்கு பிரச்சனை ஏற்படும். அதனால் இந்த சிக்கலை தவிர்க்க ரகசியத்தை மற்றவர்கள் புரியாதபடி உரு மாற்றி codes மற்றும் ciphers-களாக பரிமாறிக்கொண்டனர். (எ.கா: friends படத்தில் கதாநாயகன் "காதல் ஆசை" என்பதை "ல்தகா சைஆ" என்று codes-ஆகா கூறுவார்.) இப்படி ஒரு செய்தியை code-ஆகா மாற்றுவதை encryption என்று அழைப்பர். மீண்டும் இந்த code-ஐ புரிந்துகொள்ளக்கூடிய செய்தியாக மாற்றுவதை decryption என்பர்.

அதே சமயம் இப்படி மற்றவர்கள் code-களாக கடத்தப்படும் ரகசியம் தம் கையில் கிடைத்தால், எப்படி decryption செய்வது என்று தெரியாத பட்சத்தில், அதன் மூலம் எப்படி அதுனுள் இருக்கும் ரகசியத்தை தெரிந்துகொள்ளலாம் எனும் code breaking நுட்பமும் கையாளப்பட்டது. இப்படி ரகசியங்களை codes-ஆகா மாற்றும் codemaker-களுக்கும், அந்த code-கலில் இருந்து ரகசியம் திருடும் codebreaker-களுக்கும் நடந்த அறிவு யுத்தம், வரலாற்றின் பல பக்கங்களை செதுக்கி இருக்கிறது.


செய்தியை code-களாக மாற்ற உபயோகிக்கப் பயன்படும் code making நுட்பம் என்னவென்று codebreaker-கள் தெரிந்துகொண்டால் அதன் பின் அந்த நுட்பத்தில் திருத்தம் கொண்டு வரப்படும். அல்லது வேறு ஒரு புதிய நுட்பம் உருவாக்கம் பெரும். இப்படியே இந்த முறை பல படிகளாக வளர்ந்து இன்றைய தேவைகளான இன்டர்நெட், தொலைபேசி போன்ற தொழில் நுட்பத்திற்கும் பயன்படுகிறது. இப்படி ரகசசியமாக செய்தி பரிமாறிக்கொள்ளும் அறிவியல் நுட்பத்தை cryptography என்றழைப்பர். இந்த துறையில் பல சாதனைகள் புரிந்த அறிவியலாளர்கள் மற்ற விஞ்ஞானிகளை போல பொது வெளியில்  தங்களின் சாதனைகளை சொல்லிக்கொள்ள முடியாது. காரணம், அவர்களின் கண்டுபிடிப்புகள் ரகசியத்திலும் ரகசியமாக இருக்கவேண்டும். இப்படிப்பட்ட cryptography-இன் பல பரிணாமங்களை கொண்ட வரலாற்றின் ஒரு எளிய அறிமுகமே இந்த புத்தகம்.

Monday, January 25, 2016

மிகப்பெரிய பகா எண்

மற்ற பகா எண்களை காட்டிலும் மிகப்பெரிய பகா எண் ஒன்று சமீபத்தில் கண்டுபிடிக்கப்பட்டது. இந்த எண்  மிகவும் பெரியது. 22,338,618 இலக்கங்களை கொண்டது. இந்த எண்ணை அச்சிட முயற்சித்தீர்கலேன்றால், நீங்கள் வைத்திருக்கும் ஒரு தடிமனான லிப்கோ அகராதிபோல் இரண்டு தேவைபடும். இதனை சுருக்கி 2⁷⁴²⁰⁷²⁸¹ - 1 என்று எழுதலாம். இந்த எண்ணை மனப்பாடம் செய்துகொள்ள நினைப்பவர்கள் binary-இல் மாற்றிக்கொண்டு பின் படிக்கலாம். காரணம் இதை binary-இல் எழுதினால், 11111... என்று 74,207,281 முறை '1' என்று எழுதவேண்டும். 

ஆனால் இதை எப்படி பகா எண்  என்று கண்டுபிடித்தார்கள்? அதை அறியும்முன் லூகாஸ் எண் வரிசை (Lucas numbers) என்றால் என்ன என்று பார்க்கலாம். லூகாஸ் வரிசையின் முதல் எண் '1' அதன் பின் '3' அதன் பின் முன்னே இருக்கும் இரண்டு எண்களின் கூட்டுத்தொகை (4). அதன் பின் மீண்டும் முன்னே இருக்கும் இரண்டு எண்களின் கூட்டுத்தொகை (7). இப்படியே எழுதினால் இந்த வரிசை 1, 3, 4, 7, 11, 18, 29, 47, 76, 123, 199, 322, 521, ... என்று எழுதிக்கொண்டு போகலாம். உங்களுக்கு ஒரு எண் பகா எண்தான என்று சோதிக்க இந்த லூகாஸ் எண் வரிசையை பயன்படுத்தலாம். 

எ.கா: '5' பகா எண்தானா என்று அறிய ஐந்தாவது லூகாஸ் எண் என்னவென்று பாருங்கள். விடை - 11. இதிலிருந்து '1' ஐ கழித்துவிடுங்கள். விடை - 10. வரும் விடை ஐந்தால் வகுப்படுமாவென்று பாருங்கள். வகுபட்டால் அது பகா எண். இன்னொரு எடுத்துக்காட்டு: '6' பகா எண்தானா என்று சோதிக்கலாம். லூகாஸ் வரிசையில் ஆறாவது எண் 18. ஒன்றை கழித்தால் 17. 6-ஆல் 17 வகுபடாது. அதனால் '6' பகா எண் கிடையாது. இவ்வாறு கண்டுபிடிப்பதில் உள்ள வசதி என்னவென்றால் ஒரு எண்ணை எந்த எண்ணால் வகுபடும் என்று சோதிக்காமலேயே அதனை பகா எண்தானா என்று சோதித்துவிடலாம். 

ஆனால் இப்போது கண்டுபிடிக்கப்பட்ட பகா எண் போன்ற பெரிய எண்ணை சோதிப்பது கடினம் இதனை எளிமையாக்கும் பொருட்டு வேறு ஒரு எண் வரிசை பயன்படுத்தப்பட்டது. அதுதான் லூகாஸ் - லேஹ்மேர் (Lucas - Lehmer) எண் வரிசை. இந்த வரிசையின் முதல் எண் '4'. பின் 4² - 2 = 14. அதன் பின் 14² - 2 = 194, 194² - 2 = 37634. இப்படி இந்த வரிசை 4, 14, 194, 37634, 1416317954, 2005956546822746114,... என்று போய்க்கொண்டே இருக்கும். இந்த வரிசயைக்கொண்டு 2n − 1 என்று எழுதும் ஒரு எண்ணை பகா எண்தானா என்று கண்டு பிடிக்கமுடியும். இவ்வாறு 2n − 1 என்று எழுதிக்கொள்ளும் ஒரு எண்ணை  Mersenne number (Mn) என்று அழைக்கலாம். சரி, இந்த எண் வரிசயைக்கொண்டு 'M3 = 2³ - 1 = 7'-ஐ பகா எண்தானா என்று சோதிப்போம். இந்த எண்ணுக்கு n = 3. அதனால் மூன்றில் ஒன்றை கழித்தால் 2. லூகாஸ் - லேஹ்மேர் எண் வரிசையில் இரண்டாவது எண் 14. 14-ஐ 2-ஆல்  வகுத்தால் 7. அதனால் 7 ஒரு பகா எண். இதேபோல் 'M4 = 2⁴ - 1 = 15'-ஐ பகா எண்தானா என்று சோதித்துப்பாருங்கள்.


2⁷⁴²⁰⁷²⁸¹ - 1 என்பதை இதே போல் சோதிக்க வேண்டுமென்றால் லூகாஸ் - லேஹ்மேர் எண் வரிசையில் 74207280-ஆவது எண் என்னவென்று தெரிய வேண்டும். இந்த எண் வரிசையில் ஆறாவது எண்ணே நூருகோடியை தாண்டுகிறது. 74207280-ஆவது எண் என்றால் கண்டுபிடிக்கப்பட்ட பகா எண்ணை காட்டிலும் மிகப்பெரியதாக இருக்கும். இதனை பல கணினிகள் கொண்டும் கையாள்வது கடினம். அதனால் வேறு ஒரு முறை கையாளப்படுகிறது. இந்த லூகாஸ் - லேஹ்மேர் எண் வரிசையை எழுதும் பொழுது ஒவ்வொரு முறையும் நாம் சோதிக்கும் Mersenne எண்ணை கொண்டு வகுத்து பின் வரம் மீதியை எழுதிக்கொள்ள வேண்டும். எடுத்துக்காட்டாக '2¹³ - 1 = 8191' பகா எண்தானா என்று சோதிக்க பின்வருமாறு செய்ய வேண்டும். லூகாஸ் - லேஹ்மேர் எண் வரிசையில் உள்ள முதல் எண் '4'. அதனை 8191-ஆல் வகுத்தால் மீதி '4'. பின் 4² - 2 = 14. 14-ஐ 8191-இல் வகுத்த மீதி 14, 14² - 2 = 194. அதே போல் அடுத்துவரும் எண் 194. 194² - 2 = 37634. இதனை 8191-ஆல் வகுத்தால் வரும் மீதி 4870. அதன்பின் 4870² - 2 என்னவென்று கண்டுபிடித்து பின் 8191-ஆல் வகுத்தால் மீதி 3953 என்று வரும். இதே போல் இந்த வரிசையை 4, 14, 194, 4870, 3953, 5970, 1857, 36, 1294, 3, 470, 128, 0. இப்படி இந்த வரிசையில் 2n − 1 என்ற எண்ணுக்கு (n -1)-ஆவது எண் பூஜ்யம் என்று வந்தால் அது பகா எண். இப்படித்தான் 2⁷⁴²⁰⁷²⁸¹ - 1 என்பது பகா எண்தானா என்று சோதித்து கண்டறிந்தனர்.

ஆனால் இதிலுள்ள சிக்கலே எல்லா எண்களையும் பகா எண்தானா என்று சோதிக்க முடியாது. Mersenne எண்களை மட்டும்தான் சோதிக்க முடியும். தன் சாவியை தொலைத்த ஒருவன் வெளிச்சமான இடத்தில் அதனை தேடுவதுபோல் Mersenne எண்களில் மட்டும் பகா எண்களை தேடிக்கொண்டிருக்கிறோம். அடுத்த பெரிய பகா எண் சீக்கிரமே கண்டுபிடிக்கப்படலாம். ஆனால் அதற்கிடையில் எத்தனை பகா எண்கள் கண்டுகொள்ளாமல் விட்டிருப்போமென்று தெரியாது.

Wednesday, January 13, 2016

10¹⁰ முத்தங்கள்

அவன் அவளை அருகில் இழுத்தான். இறுக அணைத்தான். சரியாக அவள் கன்னத்தில் ஏழு முத்தங்களிட்டான். "போதுமா?" என்றான். பத்தாது என்று தலையாட்டினாள். மீண்டும் இரண்டு முத்தங்களிட்டான். இதுவும் பத்தாது என்றாள். அவன் சிரித்தான்.
"நூறு முத்தங்கள் கொடுக்கிறேன். போதுமா?" என்றான்.
"பத்தாது" என்றாள்.
"ஆயிரம் முத்தங்கள்?"
"பத்தவே பத்தாது"
...
சிறிது நேரம் யோசித்துவிட்டு, "10¹⁰ முத்தங்கள்" என்றான். அதுவும் பத்தாது என்றாள்.
"என்ன? அதுவும் பத்தாதா?" என்று வியந்தான்.
"அது எத்தனை முத்தங்கள் என்று தெரியுமா?" என்று அவளிடம் கேட்டான்.
தெரியாதென்றாள்.
"ஒரு முத்தம் கொடுக்க ஒரு நொடி ஆகிறது என்று வைத்துக்கொள்வோம். நிமிடத்திருக்கு 60 முத்தங்கள். ஒரு மணி நேரத்திற்கு 3600 முத்தங்கள். ஒரு நாளுக்கு 86400. ஒரு வருடத்திற்கு 31536000. அந்த 10¹⁰ முத்தங்களையும் கொடுத்து முடிக்க எனக்கு 300 வருடங்களுக்கும் மேல் ஆகும். ஐந்தாறு ஜென்மங்கலாவது வேண்டும்." என்றான்.
"அப்படியென்றால் அடுத்த ஜென்மத்தில் ஆமையாக பிறந்து மொத்தத்தையும் கொடுத்து விடு." என்றாள்.
அவன் சிரித்தான். 

 சிறிது நேரம் யோசனைக்குப்பின் அவள், "10¹⁰-கே இவ்வளவு காலம் எடுக்குமேன்றால், 10¹⁰¹⁰-க்கு?" என்றாள்.

"சரி சொல்கிறேன் கேள். 10¹⁰¹⁰ என்றால் 1 என்று எழுதிவிட்டு அதன் பக்கத்தில் ஆயிரம் கோடி பூஜியங்கள் போட வேண்டும். இந்த..."
"கொஞ்சம் பொறு. ஆயிரம் கோடி பூஜியங்கள் போட வேண்டுமா?"
"ம். ஆமாம்."
"இதை கவனி. ஒரு பூஜியத்தை போட 1 mm² இடம் பிடிக்கிறதென்றால், அந்த எண்ணை எழுத  மட்டும் 10000 சதுர மீட்டர் தேவை படுமா?"
"ஆம்! ஒரு ஹெக்டர். அதுமட்டுமல்ல. நேர் கோட்டில் எழுதினால், 10000 கிலோமீட்டர் தூரத்திற்கு எழுத வேண்டும். அதாவது சென்னையில் ஆரம்பித்தால் வடதுருவம் போய் முடியும்"
"சரி, நீ மேலே சொல்."
"இந்த பிரபஞ்சம் தோன்றி ஆயிரத்து நானூரு கோடி வருடங்கள் ஆகிறது. தோன்றிய கணத்தில் இருந்து கணக்கிட்டால் இந்த நொடி பொழுது வரை 441504000000000000 முத்தங்கள் மட்டும்தான் கொடுக்க முடியும்."
"அவ்வளவு தானா? சரி ஒரு சராசரி மனிதனின் உடம்பில் சுமார் 10²⁸ அணுக்கள் உள்ளன. உன் உடம்பில் உள்ள ஒவ்வொரு அணுக்களும் என்னை முத்தமிடுகிறதென்று வைத்துக்கொள்வோம். அப்படியானால் முடியுமா?"
"வெறும் 10⁴⁵ முத்தங்கள்தான்." 
"இந்த பிரபஞ்சம் மொத்தமும் நீயென்று வைத்துக்கொள்வோம். அப்படியென்றால் நீ 10⁸² அணுக்களால் ஆனவன். இப்போது?"
"10¹⁰² முத்தங்கள்."
"நெருங்கிவிட்டோம் போல?" 
"துளி கூட நெருங்கவில்லை."
கவலையானாள்.
"சரி. பல்லண்டம் இருப்பதாக வைத்துக்கொள்வோம். மொத்த முத்தங்களும் கொடுத்து முடிக்க உனக்கு எத்தனை அண்டங்கள் தேவைப்படும்?"
 "1-க்கு பின் ஆயிரம் கோடி பூஜியங்கள் போட சொன்னேனல்லவா! அதில் இறுதியில் உள்ள நூறு பூஜ்யங்களை மட்டும் அழித்துவிடு. அதாவது, அந்த 10000 கிலோமீட்டர் நீளம் உள்ள எழுத்தில் கடைசி 10 சென்டிமீட்டர் மட்டும் அழித்துவிடு." என்றான்.
"அப்படியென்றால் சரி. வா வடதுருவம் சென்று அழித்துவிட்டு வருவோம்" என்றாள்.

Saturday, November 7, 2015

Assumptions in mathematics

இரண்டாம் உலகப்போரின் போது அணு ஆயுதம் தயார் செய்துகொண்டிருந்த Manhattan-இல் அதே சமயம் போருக்காக இன்னொன்றும் தயார் செய்யப்பட்டது. அதுதான் சமன்பாடுகள். எங்கிருந்து எந்த திசை நோக்கி குண்டு எறிந்தால் எதிரியை தாக்கலாம் எனும் mechanics, குறைந்த போர் விமானங்களை கொண்டு எப்படி அதிகமான எதிரிகளை தாக்குவது போன்ற Logistics எல்லாம் சமன்பாடுகளாக தயாராகி ராணுவ அதிகாரிகளுக்கு அனுப்பப்பட்டது. இது போன்ற ஒரு உதவிக்காக ஒரு முறை ஆபிரகாம் வால்ட் எனும் கணித வல்லுனரை சந்திக்க ராணுவ உயர் அதிகாரிகள் வந்திருந்தனர். அவர்களின் கேள்வி இதுதான். போருக்கு செல்லும் விமானங்களை எதிரியின் குண்டுகள் துளைக்காமல் இருக்க, விமானங்களில் கேடயங்கள் பொருத்தப்பட வேண்டும். அதே சமயம் விமானம் முழுவதும் பொருத்தினால் அது அந்த விமானத்தின் எடையை கூட்டி விடும். அதனால் சில பாகங்களில் மட்டும் அந்த பாதுகாப்பு கேடயம் பொருத்தப்பட வேண்டும். எங்கெங்கு பொருத்தினால் விமானத்தின் பாதுகாப்பு கூடும் என்று கேட்டறிய வந்திருந்தனர். இதை கணக்கிட்டு அறிய, போர் சென்று குண்டடி பட்டு திரும்பிய சில போர் விமானங்களை எடுத்துக்கொண்டனர் அதில் எந்தெந்த பகுதிகளில் எவ்வளவு குண்டுகள் துளைத்திருகிறது என்று ஒரு அட்டவணை போட்டனர். அந்த அட்டவணை பின்வருமாறு.


Section of the plane                     Bullet holes per square foot

Engine                                                 1.11
Fuselage                                              1.73
Fuel System                                         1.55
Rest of the plane                                  1.8


இந்த அட்டவணைப்படி Engine-இல் குறைவான குண்டுகளும் rest of the plane-இல் அதிக குண்டுகளும் துளைதிருப்பதால், rest of the plane-கு அதிக பாதுகாப்பு கேடயம் பொருத்தப்பட வேண்டும் என்று அந்த அதிகாரிகள் கணக்கு போட்டு வைத்திருந்தனர். ஆபிரகாம் வால்ட் பொறுமையாக கேட்டு விட்டு Engine-க்கு பாதுகாப்பை அதிகப்படுத்துங்கள். Rest of the plane-க்கு குறைத்து விடுங்கள் என்றார். அதிகாரிகளுக்கு குழப்பம். "என்ன வால்ட்? காலைலேயே ஊத்திகிட்டு வந்துடயா?" என்று வினவினர். "உங்கள் அட்டவணை, திரும்பி வந்த விமானங்களில் இருந்து எடுக்கப்பட்டது. engine-இல் குறைவான குண்டுகள் துளைத்தால் தான் அவை வீடு வந்து சேர்ந்தன. இல்லையென்றால் அவை திரும்பியே வந்திருக்காது. அதனால் engine-க்கு தான் அதிக பாதுகாப்பு அளிக்க வேண்டும்" என்றார். இதுல இருந்து நம்ம தெரிஞ்சிக்க வேண்டிய விஷயம், நம்ம கணக்கு போடும்போது assumptions சரியானு எப்பவும் கேள்வி கேட்கணும்.

எனக்கு ஒரு நண்பர். அவருக்கு ஒரு மகன். ஒரு முறை நண்பர்கள் கூட்டத்தில் பேசிக்கொண்டிருந்த போது, தான் ஏன் ஒரு குழந்தை திட்டத்தை ஆதரிக்கிறேன் என்பதற்கு ஒரு விளக்கம் சொன்னார். "ஏதாவது ஒரு விபத்தில் எங்கள் குடும்பத்தில் ஒருவர் இறந்துவிடுகிறார்கள் என்று வைத்துக்கொள்வோம். அப்படி நேரும் பட்சத்தில், விபத்தில் இறக்கும் நபர் நானாகவோ இல்லை என் மனைவியாகவோ இருந்தால் கஷ்டமானாலும் ஏற்றுக்கொள்ளலாம். என் மகனாக இருந்தால் அது ஏற்பது கடினம். இருப்பினும் அதற்கு மூன்றில் ஒரு பங்குதான் வாய்ப்பு(probability). அது பாதிக்கும் குறைவுதான். அதனால் ஒரு குழந்தை திட்டத்தால் பெரிய பாதிப்பு ஏற்படாது" என்றார். அந்த கூட்டத்தில் கேட்டுக்கொண்டிருந்த எனக்கு அது சிரிப்பாக இருந்தாலும் சிரிக்காமல், "சார், இதுல ஒரு தப்பு இருக்குது" என்றேன். என்ன தப்பு என்று கேட்டார். "Conditional probability" என்று மட்டும் கூறினேன். புரியவில்லை விளக்கமாக கூறென்று கட்டாயப்படுத்தினார். பெரும் தயக்கத்துக்கு பின், "அந்த விபத்துல ஒருத்தர் மட்டும்தான் இறக்கணுமா? ரெண்டு பேர் இறக்கலாம். மூணு பெரும் இறக்கலாம். இதெல்லாம் கணக்கு பாத்தா 8 ல 5 வாய்ப்பு உங்களால ஏத்துக்க முடியாது. அது பாதிக்கும் அதிகம்." என்றேன். நண்பர் முகத்தில் ஒரு மயான அமைதி. இனி அவர் ஒரு குழந்தை திட்டத்திற்கு இவ்வாறு ஒரு விளக்கம் கொடுத்து ஆதரவு சேர்க்க மாட்டார் என்று நம்புகிறேன்.

பி.கு: இங்கு நானும் எனது assumption-களில் தவறு செய்திருக்கிறேன்.

Sunday, March 3, 2013

chaos theory - strange attractor


பார்க்கவே தலை சுற்றும் அளவிற்கு 12 equations. அதுமற்றுமின்றி காற்றின் வேகம், எவ்வளவு மி.மீ மழை, வெட்பநிலை, ஈரப்பதம் என்று பல தகவல்கள் இந்த chaos க்கு காரணமாக இருக்குமோ என்று lorenz யோசித்தாரோ என்னமோ, சிக்கல் குறைவான ஒரு கணக்கை எடுத்துக் கொண்டார்.


பின்னாளில் williem Malkus மற்றும் Lou என்ற இருவர் அந்த கணக்கு சமன்பாட்டிற்கு (mathematical equation) ஒரு mechanical model உருவாக்கினார்கள்.



கிராமத் திருவிழாகளில் குழந்தைகள் விளையாடும் இராட்டினத்தை கற்பனை செய்துகொள்ளுங்கள். அதில் ஆட்கள் அமரும் பெட்டிக்குப் பதிலாக தண்ணீர் பக்கெட் இருப்பதாக வைத்துக்கொள்ளுங்கள். எல்லா பாக்கெட்களிலும் தண்ணீர் ஒழுக ஒரு சிறிய ஓட்டை இருக்கிறது. உச்சியில் ஒரு தண்ணீர் pipe. எந்த பக்கெட் உச்சிக்கு செல்கிறதோ அதை அந்த pipe நிறப்பும். அதே சமயம் ஓட்டை வழியாக தண்ணீர் ஒழுகும்.

pipe ல் தண்ணீர் வரும் வேகம் குறைவாக இருந்தால் வரும் தண்ணீரெல்லாம் ஓட்டை வழியாக ஒழுகிவிடும். அதனால் இராட்டினம் சுத்தத் தேவைப்படும் திருப்பு விசை (torque) கிடைக்காமல் அப்படியே நின்று விடும். இதை மேலே உள்ள படத்தின் (a) இல் காணலாம்*.

இப்போது pipe ல் தண்ணீர் சற்று வேகமாக வருகிறது என்று வைத்துக்கொள்ளுங்கள். பக்கெட் வேகமாக நிரம்பிவிடும். இதன் தொடர்ச்சியாக இராட்டினத்தில் காண வித்தியாசம் ஏற்பட்டு சுத்த ஆரம்பித்து ஒரு குறிப்பிட்ட வேகத்தில் சுற்றிக்கொண்டிருக்கும். அந்த இராட்டினத்தின் வேகம் குழாய் தண்ணீரின் வேகத்தை பொறுத்து இருக்கும். (b).

தண்ணீர் குழாயின் வேகத்தை இன்னும் கூட்டினால் என்ன ஆகும் என்று பார்த்த பொது அதன் போக்கில் ஒரு பெரிய வித்தியாசம் இருந்தது. சற்றுநேரம் clockwise, சற்றுநேரம் anticlockwise என்று அந்த இராட்டினம் மாறி மாறி சுற்றியது. (இந்த mechanical model, mathematical equation பற்றி இன்னும் அறிய strogatz இன் Nonlinear Dynamics படிக்கவும்) இதன் செயல்பாட்டை கீழ்வரும் படத்தில் காணலாம்.

இந்த படத்தின் மூலம் ஒரு குறிப்பிட்ட நேரத்தில் அந்த இராட்டினம் எந்த திசையில் எந்த வேகத்தில் சுற்றுகிறது என்று காண முடியும். t என்று குறிப்பிட்டிருக்கும் கோட்டிற்கு மேலே இருக்கும் பொழுது counter clockwise ஆகவும் கீழே இருக்கும் பொது clockwise ஆகவும் சுற்றும். அந்த t கோட்டிற்கு எவ்வளவு விலகி இருக்கிறதோ அவ்வளவு வேகமாக சுற்றும். பித்து பிடித்ததுபோல் அது சுற்றுவதை காணமுடிகிறதா.

இப்படி கண்ணாபின்னா என்று சுற்றிக்கொண்டு இருக்கும் ஒழுங்கற்ற தண்மையை வேறு ஒரு கோணத்தில் பார்த்தால் அதன் ஆழத்தில் இருக்கும் ஒழுங்கு தெரியவரும்.

சும்மா ஒரு கதை

அந்த கைபேசி சத்தம் கேட்டு விழித்தாள் அனிதா. அது ஒரு unknown நம்பர். கடிகாரம் 12:30 க்கு அருகில் ஓடிக்கொண்டிருந்தது. யார் இப்போது கூபிடுகிரார்கள் என்று தெரியாமல் விழித்துக்கொண்டே அட்டெண்ட் செய்தாள்.
"உம்மா உம்மா உம்மா"
"ஹலோ யாருங்க நீங்க"
"ஹல்லோ புஜ்ஜிமா நான்தான் சுரேஷ் பேசுறேன். நல்லா இருக்கியா?"
"எந்த சுரேஷ்"
"உனக்கு எப்பவுமே விளையாட்டுதான். அம்மா அப்பா எல்லாரும் நல்லா இருக்காங்களா."
"ம்ம் நீங்க"
"நான் நல்லா இருக்கிறேன்"
"but சாரி நீங்க யாருன்னே தெரியல்ல."
"என்ன விளையாடுறியா? ரெண்டு வருஷம் பார்க்கவில்லைனா அத்தை பையனையே மறந்திடுமா"
"அத்தை பையனா? எந்த அத்தை."
"ரமா அத்தை."
"எந்த ரமா அத்தை?"
"போச்சுடா! கோயம்புத்தூர் ரமா ஆண்ட்டி? உனக்கு என்ன அம்னீசியாவா?"
"சாரி நீங்க தப்பான நம்பர்-க்கு ட்ரை செஞ்சுருக்கீங்க."
"இல்லையே நம்பர் கரெக்டாதான் டயல் செஞ்சுருக்கு. நீங்க குமார் அங்கிள் daughter ப்ரேமா தானே?"
"இல்லை எங்க அப்பா பேரு குமார் இல்லை."
"oh I am really sorry. நம்பர் தப்பா save செஞ்சிருக்கணும். லேட் நைட்-ல உங்களைய disturb செஞ்சுட்டேன். வெரி சாரி."
"இட்ஸ் ஓகே"
"உங்க வாய்ஸ் கூட என்னோட cousin ப்ரேமா மாதிரியே ஸ்வீட்டா இருந்தது. அதுதான். பி தி வே உங்க பேர் என்ன?"
"beep beep beep"

அந்த மொட்டை மாடியில் நால்வர் குழுமி இருந்தனர். ஒருவன் கையில் கைபேசி loud speaker-இல் அலறிக்கொண்டிருந்தது.
"மாமா அவ போன வெச்சுடாடா."
இன்னொருவன் "நீ வேஸ்ட் டா. ஒரு பேரு வாங்க முடியுதா."
"எங்கே நீ வாங்கு பார்க்கலாம்."
கைபேசியை அவனிடம் தூக்கி போட்டான். அவன் எடுத்து வேறு ஒரு நம்பர் டயல் செய்தான். அடுத்த பக்கத்தில் சரியாக 5 ரிங்க் கழித்து யாரோ போன் எடுத்தார்கள்.

Saturday, December 31, 2011

Free will and Determinism



உலகில் எல்லாம் ஏற்கனவே நிச்சயிக்கபட்டதா?
ஆம். இந்த கேள்வி உட்பட.


எப்படி அதை கூறமுடியும்?
Laplace கூறியது போல. இந்த பிரபஞ்சம் மொத்தமுமே "matter"-களால் உருவானது. அதன் அத்தனை செயல் பாடுகளுக்கும் காரணம் அதன் மீது இயங்கும் விசை. இந்த விசைகளை நான்காக வகைபடுத்தலாம். இந்த பிரபஞ்சத்தின் மொத்த matter களின் position மற்றும் velocity தெரிந்தால், அதன் மீது இயங்கும் விசையை இயற்பியல் விதியின் மூலம் கண்டறிந்து உலகம் அடுத்த நொடி எப்படி இருக்கும் என்று கணக்கு போட்டு சொல்ல முடியும். இப்படியே எல்லா நொடியும் எப்படி இருக்கும் என்று கூற முடியும்.

heisenberg uncertainity principle மூலம் இது நிச்சயிக்கப்பட்ட உலகம் என்று கூற முடியாது என்கிறார்களே?
அவர்களும் பெட்டியை திறந்து பார்த்தல் ச்ரோடிங்கேர்-இன் பூனை பாதி உயிரோடு இருக்கும் என்று கூற மாட்டார்களே.


அப்படியென்றால் நான் யோசிப்பதும் நிச்சயிக்கப்பட்டதா?
நீங்கள் எவ்வாறு யோசிக்கிறீர்கள் என்பது உங்கள் மூலையில் உள்ள neurons-இன் செயல் பாடுகளின் விளைவு. அது எப்படி என்பதை neuro science சொல்கிறது. உங்கள் மூளை ஒரு சிக்கலான கம்ப்யூட்டர் ப்ரோக்ராம் போல. ஒரு கம்ப்யூட்டர் ப்ரோக்ராம் தரும் பதில் அந்த கம்ப்யூட்டர் கூறும் முன்னரே நாம் அதை கூற முடியுமல்லவா.


எல்லாம் ஏற்கனவே நிச்சயிக்க பட்டதென்றால், ஒருவன் செய்யும் தவறும் நிச்சயிக்க பட்டதுதானே? அப்படி பார்க்கையில் அவன் தண்டனைகுரியவன் கிடையாதே?
அது தவறு.


அப்படி என்றாள் "free will" அதாவது தன் இஷ்டம் என்று உள்ளதா? அதாவது நான் என் இஷ்டத்துக்கு எதுவும் செய்ய முடியுமா?
கண்டிப்பாக.

எல்லாம் ஏற்கனவே நிச்சயிக்க பட்டது என்றாள் என் இஷ்டம் என்று எப்படி ஒன்று இருக்க முடியும்?
அதுதான் இதன் சிறப்பம்சமே, உங்களின் இஷ்டமும் ஏற்கனவே நிச்சயிக்கப்பட்டது.


சரி இப்படி எடுத்துக்கொள்வோம். நான் எனது எதிர்காலத்தின் ஒரு கனத்தை தெரிந்து கொண்டேன் என்றாள் அதை என் இஷ்டத்திற்கு மாற்ற முடியாதா?
நீங்கள் ஒன்றை மாற்ற வேண்டும் என்ற உங்கள் இஷ்டமே நிச்சயிக்க பட்டதுதானே. பின்பு எதை எதுவாக மாற்றுவீர்கள்? இந்த புரிதலில் வரும் குழப்பத்திற்கு காரணம் நம் இஷ்டம் என்பதை எவ்வாறு புரிந்து கொண்டோம் என்பனதான் விளைவே. உங்கள் இஷ்டம் என்பது உண்மையில் உங்கள் மூலையில் நடக்கும் ரசாயன மாற்றம். இந்த இயற்பியல் விதிகளுக்கு உட்பட்ட இயற்பியல் உலகில் இஷ்டம் என்பது ஒரு மாயை. இயற்பியல் விதிகளின் ஒரு விளைவு. நீங்கள் இஸ்டப்படலாம். ஆனால் இயற்பியல் விதிகளை உங்கள் இஷ்டத்திற்கு மாற்ற முடியாது. இதை வேறு மாதிரி கூற வேண்டும் என்றாள், உங்களை இஸ்டப்பட வைத்த இயற்பியல் விதிகளையே இஸ்டப்பட நினைகிறீர்கள். அதனால் வரும் குழப்பமே நீங்கள் கேட்ட இந்த கேள்வி.


இது நிச்சயிக்கப்பட்ட உலகம் என்பதை இயற்பியல் விதியை கொண்டு காட்டுகிறீர்கள். அதேபோல் "free will" என்பதற்கு ஆதாரம் ஏதும் உண்டா?
evolution theory-யில் சொல்லப்படும் அத்தனை evolution களுக்கும் "free will-ஐ" தவிர வேறு என்ன காரணம் கூற முடியும்.